Данило Уругвай билан 1:1 ҳисобидаги дурангдан кейин Бразилия терма жамоаси мухлисларининг ҳуштакбозликлари ҳақида гапирди.
Сальвадорда бўлиб ўтган ЖЧ-2026 саралаш ўйинида жамоалар дуранг натижа қайд этишди. Ўйиндан сўнг бразилиялик мухлислар жамоага ҳуштакбозлик қилишди.
“Мен ҳамма нарсани тушунаман. Мухлислар хафа бўлишди. Агар ўзим трибунада бўлганимда, Бразилиянинг ғалаба қозонишини кўришни хоҳлардим. Лекин ўйлайманки, ўйинимиз бироз бўлсада уларга далда беради. Биз керакли интенсивликни кўрсатдик.
Дуранг натижа ва жадвалдаги ўрин нуқтайи назаридан мухлислар асабийлашади. Умуман олганда, Парагвай билан ўйиндан сўнг жамоа сезиларли даражада ўсди. Майдондаги вазифаларимизни яхшироқ тушуна бошладик", — деди бразилиялик футболчи.
