Миллатлар лигасининг гуруҳ босқичи сешанба куни кечқурун якунланди. Турнир ҳали якунланмаган, аммо қандайдир оралиқ хулосаларни чиқариш мумкин. Гуруҳ босқичининг энг самарали жамоаси Швеция терма жамоаси бўлиб, унинг таркибида Виктор Дьёкереш алоҳида маҳорат кўрсатди. Швецияликлар Миллатлар лигасининг олтита ўйинида 19 та гол урди. Қизиғи шундаки, бу 19 та голнинг барчаси жарима майдончаси ҳудудидан киритилди.
Миллатлар лигаси мавсумидаги самарадорлиги бўйича Германия терма жамоаси 18 та гол билан иккинчи ўринни эгаллаб турибди. Учликни 16 марта гол урган Англия жамоаси якунламоқда.
Топ-5 га, шунингдек, 15 мартадан гол урган Руминия ва Норвегия терма жамоалари ҳам киради.
