"Бавария" бош мураббийи Венсан Компани Мюнхен клуби ҳимоячиси Ким Мин Чженинг жорий мавсумдаги ютуқлари ҳақида гапирди.

"Мен ҳам ҳимоячи эдим ва бу позицияда ўйнашнинг нозик томонларини яхши тушунаман. Агар марказий ҳимоячи сифатида ўйнасанг, бир ўйиндан кейин ҳам қойил қолмайсан, кўзга ташланиш учун 10-15 та учрашувни юқори савияда ўтказишинг керак.

Машғулотларда мен яхши ҳимояга эга эканлигимизни ҳис қиляпман, лекин гап фақат ҳимоячиларда эмас. "Бавария"даги ҳар бир ўйинчининг мақсади - яхшироқ бўлиш, мен ўз футболчиларимдан мамнунман, уларга ҳеч қачон шубҳа қилмайман", - дейди Компани.

10 турдан кейин Германия чемпионатида “Бавария” пешқадамлик қилмоқда.