"Бавария"нинг собиқ ҳужумчиси Роберт Левандовски испаниялик мураббий, ҳозирда Англиянинг "Манчестер Сити"сида ишлаётган Хосеп Гвардиола ҳақида ўз фикрлари билан ўртоқлашди.
"У шахс сифатида футболчиларга қийин эди. Бироқ, Гвардиола - тактик даҳо. Агар ҳамма унга эргашса, ғалаба қозонади. Кейинчалик унинг қандай ўзгарганини пайқадим. Пеп тушундики, агар у инсонпарварроқ ва очиқроқ бўлса, бу унга тактикадан кўра кўпроқ ёрдам беради", - деди полшалик ҳужумчи.
Гвардиола ва Левандовски "Бавария"да бирга ишлаган. Испаниялик 2013 йилдан 2016 йилгача немис грандига устозлик қилган эди.
