Мадриднинг "Реал" клуби қишки трансфер ойнасида "Манчестер Юнайтед"да ўйнаётган бразилиялик ярим ҳимоячи Каземирони ортга қайтариш ҳақида ўйламоқда. Бу ҳақда Trivela хабар бермоқда.
Манба берган хабарга кўра, Каземиро клубнинг ёш ярим ҳимоячиларининг ривожланишига ёрдам бера оладиган футболчи сифатида кўрилмоқда. Бундан ташқари, у ўйинчиларнинг сўнгги пайтларда олган жароҳатлари туфайли ярим ҳимоя ва ҳимоя тизимидаги муаммоларни ҳал қилишда ҳам ёрдам бериши мумкин.
Жорий мавсумда Каземиро "Манчестер Юнайтед"нинг барча турнирларида 16 та ўйинда иштирок этди ва бразилиялик футболчи учта гол урди. Футболчининг клуб билан амалдаги шартномаси 2026 йилнинг ёзига қадар амал қилади.
