"Манчестер Сити" бош мураббийи Пеп Гвардиола янги шартномасидан олдинроқ кетиши мумкинлигини тан олди.
Шу ҳафтада "Манчестер Сити" Гвардиоланинг мавсум охирида тугайдиган шартномасини 2027 йилнинг ёзига қадар узайтирганини эълон қилди. Бироқ Хосеп шу вақт давомида ишлашига кафолат бера олмайди.
"Икки соат ичида биз буни уддаладик ва янги шартнома бўйича келишиб олдик. Ва мен яна икки йил қолишни истадим, аммо натижалар яхши бўлмаса, яна икки йил қолмаслигимни биламан.
Агар ўзимизни исботламасак, мухлисларимиз ва президент нима бўлаётганини сўрашади ва уни ўзгартиришни талаб қилишади. Ҳамма босим остида. Менинг шартномам бор, лекин бир ойдан кейин бу ерда бўлмаслигим мумкин. Мен шартномамни узайтиришга лойиқман, лекин биз яна муваффақиятга эришишимиз керак, акс ҳолда клуб ечим топиши керак бўлади", - деди Гвардиола Daily Mirror билан суҳбатда.
