Суперлигада 25-тур ўйинлари давом эттирилди. «Динамо» жамоаси бу тур сафарда «Андижон» билан куч синашди ва 0:3 ҳисобида имкониятни бой берди. Беллашувдан сўнг жамоа бош мураббийи Вадим Абрамов матбуот анжуманида иштирок этди.

— Биз биринчи бўлимда, жуда қўпол хатоларга йўл қўйдик. Агар, ҳисоб очилмаган пайтда яратган вазиятларимиздан фойдаланганимизда, ҳаммаси бошқача бўлар эди. Иккинчи бўлимда ўйинни буриб юбормоқчи бўлдик, аммо четлатиш содир бўлди. 10 киши қолганига қарамай, йигитлар ҳаракат қилишди. Якунда, тушунарсиз қарши-ҳужумда гол ўтказиб юбордик. Ваҳоланки, ўйинга режамиз бошқача эди.

Сўнгги турдаги «Сўғдиёна» билан баҳс олдидан карточкалар сабабли йўқотишларимиз кўпайиб кетди. «Андижон»ни ғалаба билан табриклайман.

— Марказий ҳимоячилар ҳақида фикрингиз қандай?
— Биз уларни алмаштирдик. Биринчи бўлимда унинг тушунарсиз хатоларини изоҳлаб бўлмайди.

—«Динамо» кетма-кет учинчи мағлубиятни қабул қилиб олиши сабаби нима?
— Бизда, бирданига йўқотишлар кўпайиб кетди. Биз марказий зонадаги жароҳат олган бразилияликларни алмаштира олмадик. Захира ўриндиғи торлик қилмоқда.

—Бу мавсум аввалгиларидан фарқ қиладими?
—Икки хил таассурот қолдирмоқда. Бизда бир ойдан бери мотивация йўқ. Бизда медаллар учун курашиш имкони бўлганида, бошқача бўлар эди. Жуда ёмон бошладик, бироқ кейин стабиллик етишмади. Элитага чиққан жамоаларга биринчи навбатда лигада қолиш вазифаси қўйилади. Буни уддаладик.