Кеча Тошкентда навбатдаги тур учрашувларига тайёргарлик олиб бораётган Самарқанднинг "Динамо" клуби оралиқдаги танаффусдан фойдаланиб назорат учрашуви ўтказди. Равшан Акмалович шогирдлари Бекободнинг "Металлург" клубига қарши бўлиб ўтган назорат учрашувида 2:2 ҳисобидаги дурангни қайд этди.

17:30 да Тошкент вилоятининг Қибрай туманидаги стадионда бўлиб ўтган назорат учрашуви ўта муросасиз ўтиб, ҳақиқий тур учрашувидек ўтди. Учрашувнинг дастлабки бўлимида оз бўлсада ташаббусга эга бўлган "металлургчилар" ҳисобни ҳам очишди. Жарима зарбасини Умидбек Тожимов худди Ғулом Ўруновнинг ("Пахтакор" - "Динамо" 4:0) зарбасидек дарвозага жойлаб ўйди. Битта бўлимнинг ўзига жамоаларга еттита сариқ карточка кўрсатилди.

Иккинчи бўлимда эса энди устунлик самарқандликларга ўтди ва кетма-кет икки тўп киритишга эришди. Дастлаб Тўлқин Мирзаев ҳисобни тенглаштирган бўлса, сўнгра Юнус Суюнов жарима майдони ичидаги тартибсизликдан дарвозани ишғол этди. Учрашув ниҳояланиш арафасида Саидкомил Акбаровнинг узоқдан йўллаган зарбаси кутилмаганда "Динамо" дарвозасидан ўрин олди. Учрашувда бошқа ҳисоб ўзгармади.

Назорат учрашуви. 18.05.13. "Қибрай" стадиони.
"Динамо" - "Металлург" 2-2
Голлар:  Умидбек Тожимов 0:1 (14), 53. Тўлқин Мирзаев 1:1 (67), Юнус Суюнов 2:1 (84). Саидкомил Акбаров 2:2 (89)

Эслатиб ўтамиз, "Динамо" навбатдаги учрашувни 26 май куни сафарда "Сўғдиёна" клубига қарши ўтказади.