Жейми Каррагер "Манчестер Сити" Пеп Гвардиолани истеъфога чиқармаслигига ишонмоқда.
"Шаҳарликлар" 2006 йилдан бери биринчи марта кетма-кет 5 ўйинда мағлуб бўлишди. Жамоа Премер-лигада "Ливерпул"дан 8 очко ортда қолиб, 2-ўринда бормоқда.
"Ҳа. Сер Алекс Фергюсонни истеъфога чиқариш имконсиз эди. Ўйлайманки, Юрген Клоппни "Ливерпул"дан истеъфога чиқариш ҳам мумкин эмас эди.
"Манчестер Сити" кетма-кет 2-3 йил ҳеч нарса ютмаса ҳам, Пеп Гвардиолани ҳеч қачон истеъфога чиқармайди. “Ливерпуль” ва Юрген Клопп билан менда шундай туйғу бор эди. Агар у 2-3 йил давомида соврин ютмаганида, барибир уни менежеримиз сифатида кўришни хоҳлаган бўлардик. Гвардиоладан ким яхшироқ?", – деди "Ливерпул"нинг собиқ ҳимоячиси.
