Франциянинг "ПСЖ" клуби бош мураббийи Луис Энрике жамоанинг жароҳат олган ҳужумчиси Гонсалу Рамушнинг аҳволи ҳақида гапирди.
"Гонсалу ҳозир тикланишнинг сўнгги босқичида. У тез орада майдонга қайтади. Лекин ҳозирча бу аниқ қачон содир бўлишини айта олмайман. Мақсадимиз барча ўйинчиларнинг ўйинларга тайёр бўлишларидир", - деди испаниялик мутахассис матбуот анжуманида.
Рамуш "Гавр"га қарши Лига 1нинг биринчи тур ўйинида жароҳат олди. Франция чемпионатининг ўтган мавсумида Гонсалу 29 та ўйинда иштирок этган. 23 ёшли ҳужумчи 11 та гол ва битта голли узатмани амалга оширди.
