"Бавария" бош мураббийи Венсан Компани "ПСЖ" устидан қозонилган ғалабадан (1:0) кейин турнир жадвалидаги ҳолат ҳақида ўз фикрини билдирди.
"Мен жадвалга қараётганим йўқ, чунки, тўғрисини айтсам, ҳозирча уни тушунмаяпман. Умид қиламанки, биз яна бир нечта ғалабага эришганимиздан кейин у ёқимли кўринади. Биз шунчаки қолган барча ўйинларда ғалаба қозонишни хоҳлаймиз - шунда бизда саккизталикдан жой олиш учун яхши имкониятлар бўлади," - деди Компани.
Эслатиб ўтамиз, умумий босқичнинг энг яхши 8 та жамоаси тўғридан-тўғри 1/8 финалга, 9-24 ўринлар эса плей-оффнинг дастлабки босқичида ўйнайди.
