"Интер" бош мураббийи Симоне Индзаги жамоасининг Чемпионлар лигасидаги мақсадлари ҳақида гапирди. Сешанба куни “нерадзуррилар” “РБ Лейпциг”ни мағлуб этди (1:0).
“Интер” 5 турдан кейин 13 очкога эга. Қолаверса, Италия чемпиони гол ўтказиб юбормаган ягона жамоа бўлиб қолмоқда.
"Чемпионлар лигаси финали? Бу барча топ-клублар учун мақсад. Бу ҳам мен учун мақсад, чунки мен “Интер”да ишлайман. Лекин ҳар икки ярим кунда ўйнаш қанчалик қийинлигини, қанча куч кераклигини биламиз. Жамоа билан омадим келди. Бу болалар қаттиқ ишлашга тайёр", деди Индзаги.
Эслатиб ўтамиз, “Интер” охирги марта Чемпионлар лигаси финалида “Манчестер Сити”га мағлуб бўлганди.
