"Интер" ярим ҳимоячиси Пиотр Зиелински жамоасининг Чемпионлар лигаси 5-турида "Лейпциг"га қарши ўйиндаги ғалабадан сўнг (1:0) ўз ҳис-туйғулари билан ўртоқлашди.
"Албатта, Чемпионлар лигасида ғалаба қозониш ёқимли. Ўйин давомида жуда кўп куч сарфладик, шунинг учун якунда қийналиб қолишга мажбур бўлдик. Жадвалда етакчилик қилиш ажойиб! Жамоа хурсанд, аммо эслаймизки, кучли саккизликка кириш учун ҳали учта ўйин бор", - дея Зиелински сўзларини келтиради УEФА матбуот хизмати.
30 ёшли ярим ҳимоячи "Интер" - "Лейпциг" учрашувининг энг яхши футболчиси деб топилди. Жорий мавсумда Зиелински миланликлар сафида барча мусобақаларда 14 та учрашувда 2 та гол урди.
“Интер” ҳисобида 13 очко бор ва Чемпионлар лигаси турнир жадвалида пешқадамлик қилмоқда.
