«Реал» ярим ҳимоячиси Дани Себальос ҳужумчи Килиан Мбаппенинг Чемпионлар лигаси гуруҳ босқичи 5-туридан ўрин олган «Ливерпуль»га қарши ўйиндаги (0:2) ҳаракатлари ҳақида гапирди. Учрашувнинг 61-дақиқасида франциялик форвард пенальтидан фойдалана олмади.

«Килиан... У яхши ишламаяпти, ўзи хоҳлаганча гол урмаяпти, аммо кутишимиз керак. «Реал Мадрид»дек клубга ўтиш осон эмас ва мен у яқин келажакда бу клуб ва жамоага катта фойда келтиришига ишонаман», - дея Себальоснинг сўзларини келтиради «Marca».

Мбаппе жорий мавсум Чемпионлар лигасида бешта ўйинда майдонга тушиб, битта гол урди ва битта голли узатмани амалга оширди.