“Манчестер Юнайтед” ҳужумчиси Расмус Хойлунд Европа лигасининг 5-тури доирасидаги “Боде-Глимт” устидан қозонилган ғалаба (3:2) ҳақида фикр билдирди.

"Биз ўйинни ёмон бошладик, аммо кейин характер кўрсатиб, натижага эришдик. Ўйинларимиз жуда қизиқарли ўтиши шарт эмас, лекин асосийси уч очкони қўлга киритиш. Биз вазифани бажардик.

Бугун Аморим ҳимояда нималар бўлаётгани ҳақида кўп ташвишланмасликни, балки олдинга қандай ўйнаш ҳақида кўпроқ ўйлашга, гол сари агрессив боришга ҳаракат қилишимни айтди. Буларнинг барчасини биринчи гол давомида кўрдик, бундан жуда хурсандман.

Ҳозирги таркиб менга "Аталанта"да 3-4-3 схемасида ўйнаганимни бироз эслатади. Бу менга жуда мос келади", - дея Хойлунс сўзларини келтиради УEФА матбуот хизмати.