"Манчестер Сити" бош мураббийи Пеп Гвардиола якшанба куни "Ливерпул"га ютқазса, жамоанинг чемпионлик пойгаси тугайдими, деган саволга жавоб берди. Ҳозирда “шаҳарликлар” ва “қизиллар” ўртасида саккиз очко бор.
"Биз яшаётган вазиятда катта мақсадлар ҳақида ўйлаш ҳақиқатга тўғри келмайди. Вазият шундан иборатки, биз фақат кейинги ўйин ҳақида ўйлашимиз ва тезликни оширишга ҳаракат қилишимиз керак. Яхши формада ҳам ноябрь-декабрь ойларида АПЛда ғалаба қозониш ҳақида ўйлашнинг иложи йўқ.
“Ливерпуль” бор-йўғи битта ўйинда мағлуб бўлди ва улар яхши формада. Улар барча компонентларда, айниқса жарима майдончасида кучли. Мен доим апрель-май ойларида мақсадлар ҳақида ўйлайман. Якшанба куни натижага эриша олмасак, бизга қийинроқ бўлади, аммо олдинда ҳали кўп ўйинлар бор", - деди Гвардиола журналистларга.
