Мадриднинг “Реал” клуби расмий сайтида 2024 йил 18 февралда бўлиб ўтган Ла Лиганинг 25-турида “Райо Вальекано”га қарши ўйинда (1:1) “Лос-Бланкос” вингери Винисиус Жуниорни ҳақоратлаган вояга етмаган мухлис жазоланиши ҳақида баёнот эълон қилди.
"Реал Мадрид" футбол клуби “Вальекас” стадионида бўлиб ўтган “Райо Вальекано” – “Реал Мадрид” ўйинида Винисиус Жуниорни ирқий ҳақорат қилган вояга етмаган шахс Винисиусдан кечирим сўраш мактубини йўллаганини, унда ўзининг хатти-ҳаракатидан афсусда эканлигини маълум қилади. Бундан ташқари, у бир йил давомида расмий мусобақалар ўтказиладиган стадионларга бора олмайди.
У зўравонлик, ирқчилик, ксенофобия ва спортдаги муросасизликка қарши кураш бўйича давлат комиссияси томонидан ўзининг хатти-ҳаракати учун белгиланган жаримани тўлаши керак бўлади", — дейилади "Лос Бланкос" сайтидаги баёнотда.
