"Барселона" бош мураббийи Ханс-Дитер Флик "Манчестер Сити"нинг ҳозирги фаолиятидаги пасайиш ҳақидаги саволга жавоб берди. Сўнгги олти учрашувда Хосеп Гвардиола шогирдлари беш марта мағлубиятга учраган ва бир марта дуранг қайд этган.
"Мен доим айтаманки, мен ўз жамоамга эътибор қаратаман ва бошқалар ҳақида ўйламайман. Уларнинг ўз муаммолари бор, уларни таҳлил қила олмайман, бу нотўғри. Лекин Пепга энг яхши тилакларимни тилайман. Умид қиламанки, кейинги ўйин унинг учун энг яхшиси бўлади", - дея Флик сўзларини келтиради Marca.
Эртага, 1 декабрь куни “Манчестер Сити” Англия Премьер-лигасининг 13-тури доирасида “Ливерпул”га қарши майдонга тушади.
