Мадриднинг "Реал" клуби бош мураббийи Карло Анчелотти айни дамда "Лос Бланкос" учун керакли натижалар йўқлиги ҳақидаги саволга жавоб берди.
"Менга "Реал"да атиги бир йил осон ўтди – ўтган йили. Қолганларнинг барчасида ҳал қилиниши керак бўлган муаммолар пайдо бўлди. Бундай муаммолар доимо пайдо бўлади. Бироқ, уларни апрель ёки май ойларига қараганда ноябрь ёки декабрда аниқлаш яхшироқдир. Ишончим комилки, биз уларни ҳал қиламиз. Шунга қарамай, "Реал" Ла Лига учун курашни давом эттирмоқда. Қолаверса, биз жароҳатлардан азият чекяпмиз", - деди Анчелотти Marca билан суҳбатда.
Испания Ла Лигасининг 13 ўйинида "Реал" 30 очко жамғариб, иккинчи ўринда бормоқда. Чемпионлар лигаси умумий босқичининг беш туридан сўнг “Лос-Бланкос” олти очко жамғариб, 24-ўринда бормоқда.
