«Барселона» Ла Лигада қаторасига учта ўйинда ғалаба қозона олмаяпти.

Мураббий Ханси Флик шогирдлари Ла Лиганинг 15-турида ўз майдонида «Лас-Пальмас»га имкониятни бой бериб қўйди (1:2).

Каталония клуби чемпионатдаги сўнгги учта ўйиннинг иккитасида мағлуб бўлди. «Барселона» аввалроқ «Реал Сосьедад»га ютқазган (0:1), «Сельта» билан дуранг ўйнаган (2:2).

«Барселона» 15 турдан кейин 34 очко жамғарган ва Ла Лига турнир жадвалида пешқадамлик қилмоқда.

Каталонияликлар мавсумни 3 декабрь куни Испания чемпионатида «Мальорка»га қарши ўйин билан давом эттирадилар.