Мадриднинг "Атлетико" клуби бош мураббийи Диего Симеоне ҳужумчи Хулиан Альвареснинг ўйинига юқори баҳо берди.
"Барча футболчиларга вақт керак. Хулиан узоқ вақт давомида ўзини қидирди, лекин аста-секин бунга кўникди ва "Атлетико" қандай ўйнашини тушунди. Бизга қўшилишдан олдин у "Манчестер Сити" ва терма жамоада бутунлай бошқа тизимларда ўйнаган. Футболимизни тушуниши учун бироз вақт керак бўлди. У тобора яхши ишламоқда ва унинг характеристикалари жамоа учун жуда мос", деди Симеоне "Вальядолид" устидан қозонилган 5:0 ҳисобидаги ғалабадан кейин берган интервьюсида.
