Суперлига 26 турида «Сурхон» жамоаси «Олимпик»ни қабул қилди ва 3:0 ҳисобидаги йирик ғалабани қўлга киритди. Беллашувдан сўнг жамоа бош мураббийи Февзи Давлетов матбуот анжуманида иштирок этди.
- Ўйин томондан биз яхшироқ кўриндик. Кўпроқ ҳужум қилдик ва босим уюштирдик. Етарли имкониятларни яратиб, ўзимиз учун қулай холатда таймни тугатдик. Шунингдек, рақибнинг қизил карточкаси ҳам бизга қўл келди. Биз кейин бутун ўйинни бошқардик. Йигитларни ва ишқибозларни яхши натижа билан табриклайман.
- Жамоани керак бўлмаган ушбу баҳсга тайёрлаш осон бўлмадими?
- Биз «Металлург» билан учрашувда «Пахтакор»ни қувиб ўтиш имкониятидан айрилган эдик. Йигитларга сўнгги ўйинда ҳаракат қилишларини сўраган эдик. Бу ғалаба бизнинг кайфиятимизга таъсир қилади.
