"Манчестер Сити" жароҳати сабаб сафдан чиққан Родрининг ўринбосарини топа олмаяпти.
Испаниялик ярим ҳимоячи сентябрь ойида жароҳат олганди - катта эҳтимол билан у ҳеч бўлмаганда баҳоргача майдонга тушмайди. Умуман олганда, ўтган мавсум бошидан бери "Сити" Родри майдонда бўлмаганида Премьер-лигадаги 15 ўйиннинг 7 тасида мағлуб бўлди. Асосий ярим ҳимоячига эга бўлган жамоа шу вақт ичида чемпионатда 36 ўйин ўтказиб, бирорта ҳам мағлубият аламини тотиб кўрмаганди.
Якшанба куни "Манчестер Сити" "Ливерпуль"га ютқазди (0:2). Бу Пеп Гвардиола жамоасининг Премьер-лигадаги қаторасига тўртинчи мағлубиятидир.
