Каталониянинг «Барселона» клуби ёрдамчи мураббийи Хорди Роура «кўк-анорранглилар» бош мураббийи Тито Виланованинг жамоадан кетиши борасидаги миш-мишларни инкор қилди.
«Виланова ўз ўрнини тарк этишни режалаштираётгани йўқ. У жамоага ёрдам бераолмаётган вақтда унинг ўрнини егаллаш мен учун жуда оғир. Бу умуман кутилмаган ҳолат. Тито менинг яқин дўстим ва шу сабабли агар у жамоадан кетса бу мен учун ҳам, клуб учун ҳам қайғули ҳолат»,- дейди Роура.
Эслатиб ўтамиз, якунига етаётган мавсумда Виланова қулоқ ости безидаги ўсимта туфайли АҚШда икки марта жарроҳлик столига ётди.
