"Ливерпуль" Англия Премьер-лигаси доирасида "Манчестер Сити"ни мағлуб этди (2:0).

"Қизиллар" ҳар бир бўлимда биттадан гол уришди, голларга Коди Гакпо ва Муҳаммад Салоҳ муаллифлик қилишди. 13 турдан кейин Арне Слот жамоаси 34 очко билан турнир жадвалида пешқадамлик қилмоқда, "Манчестер Сити" 11 очко ортда қолмоқда ва бешинчи ўринда бормоқда. Мерсисайдликларнинг энг яқин таъқибчилари "Арсенал" ва "Челси" турнир жадвалида 25 очкодан бор.

Opta маълумотларига кўра, "Ливерпуль" 2019/20 йилги мавсумдан бери биринчи марта Премьер-лигада тўққиз ёки ундан кўп очкога олдинда борган ҳолда пешқадамлик қилмоқда, ўша мавсумда улар чемпион бўлган эди. Англия чемпионатида кейинги тўртта чемпионлик "Манчестер Сити"га насиб этди.