"Манчестер Юнайтед" ҳужумчиси Жошуа Зиркзее якшанба куни "Эвертон"га қарши ўйинда (4:0) дубль қайд этди.
Нидерландиялик футболчи 41 ва 64-дақиқаларда "ирислар" дарвозасини ишғол қилди. Форвард август ойи ўрталарида бўлиб ўтган "Фулхэм"га қарши дебют ўйинидан кейин биринчи марта "қизил иблислар" сафида гол уришга муваффақ бўлди.
"Зиркзее гол ура олганидан хурсандман. У ажойиб иш қилди. Бу унинг ўзига бўлган ишончи учун муҳимдир. Баъзи футболчилар шу туйғу - голларга чанқоқлик билан яшайди", - дея Аморимнинг сўзларини келтиради инглиз ОАВлари.
Жошуа Зиркзе "Манчестер Юнайтед" сафида 19 та ўйинда 3 та гол урган. Ёзда футболчи Италиянинг "Болонья" клубидан сотиб олинди.
