"Ливерпуль" бош мураббийи Арне Слот "Манчестер Сити"ни бошқараётган ҳамкасби Пеп Гвардиолага ачинмаслик керак, деб ҳисоблайди.

1 декабрь куни "мерсисайдликлар" Премьер-лига доирасидаги ўйинда "шаҳарликлар"ни мағлуб этишди (2:0). "Манчестер Сити" октябрь ойи охиридан бери 6 та мағлубиятга учради ва бир марта дуранг ўйнади. Бу Гвардиола фаолиятидаги энг ёмон серия.

"Сиз ёмон аҳволда қолган мураббийларга ҳамдардсиз ва унга ачинасиз. Улар ё кўп ўйинларда мағлуб бўлишди ёки турнир жадвалида пастки ўринларда туришибди. Аммо Гвардиола кўп нарсаларни ютиб, барчасини кўп марта исботлади.

Шу боис ноябрь ойидаги чемпион аниқланмаган. Ўтган мавсумда "Манчестер Сити" "Арсенал"дан 8 очкога ортда қолганди, менимча, февралда. Ҳеч ким Хосепга ачинмаслиги керак. Балки бошқа мураббийларга ачиниш керакдир, лекин унга эмас.

У кўплаб совринларни қўлга киритди ва "Манчестер Сити"ни тўғри йўлга қайтара олади", — деди Слот ESPN билан суҳбатда.