Ниҳоят, “Нефтчи”ни ким бошқариши борасидаги саволларга жавоб топилди. Бугун жамоа базасида матбуот анжумани бўлиб ўтди. Унда “Нефтчи” бош мураббийи масаласига ойдинлик киритилди. Клуб раиси Комилжон Мирзабоевнинг таъкидлашича, Евгений Шохин расман “Нефтчи” бош мураббийи этиб тайинланди.

— Мураббийлар борасида узоқ муҳокама қилдик. Ҳозир мавсум ярмига келиб қолди. Бундай паллада ўзимиз истаган мураббийни топиш осон эмас. Ёш ва тажрибали мураббийлар ҳозир бошқа жамоаларда ишлашмоқда. Шунинг учун Евгений Шохин вариантига тўхталдик. Мавсум якунига қадар унга имконият берамиз. Жамоанинг кўрсатган натижасига қараб, у билан шартномани узайтириш ёки узайтирмаслик борасида бир қарорга келамиз. Жамоага дарвозабонлар мураббийи Вячеслав Томилинни таклиф этдик. Демак, мураббийлар штабида Евгений Шохин (бош мураббий), Шамил Исеев (катта мураббий), Сергей Ковшов (бош мураббий ёрдамчиси) ва Вячеслав Томилин (дарвозабонлар мураббийи)лар фаолият юритишади. Жамоа ўйинчиларининг кайфияти аъло. Барчанинг эътибори 25 май куни “Олмалиқ”қа қарши кечадиган ўйинга қаратилган, — дейди Комилжон Мирзабоев.

“Нефтчи” ПФК матбуот хизмати