"Барселона" бош мураббийи Ханс-Дитер Флик Испания Примераси доирасидаги "Лас-Пальмас"га (1:2) қарши ўйинда ҳужумчи Роберт Левандовскининг ўйин сифатидан норози бўлди.
Sport.es хабарига кўра, 2 декабрь, душанба куни бўлиб ўтган машғулот олдидан Флик Левандовски билан 5 дақиқа суҳбатлашиб, "Лас-Пальмас" билан учрашувда ёмон ўйин кўрсатгани учун польшаликдан очиқ шикоят қилган. Қайд этилишича, 36 ёшли футболчи устози билан келишиб олган.
Жорий мавсумда польшалик футболчи "Барселона" сафида барча мусобақаларда 20 та ўйинда қатнашиб, 22 та гол ва 2 та голли узатмани амалга оширди.
