22 ёшли украиналик марказий ҳимоячи Илья Забарний Англиянинг «Борнмут» клубини тарк этиши мумкин.

Испаниялик манбанинг хабарига кўра, футболчини узоқ вақт давомида «Реал Мадрид» президенти Флорентино Перес кузатган ва у футболчини трансфер қилиш учун клубга яшил чироқ ёққан. «Борнмут» украиналик футболчини келаси ёзда 60 миллион еврога сотишга тайёр ва «Реал» бу трансфер учун асосий фаворитлардан бири бўлади.

2024/25 йилги мавсумда Илья Забарний клуб миқёсида 13 та ўйин ўтказди. «Transfermarkt» портали унинг қийматини 32 миллион еврога баҳолаган.