"Аталанта" ярим ҳимоячиси Мартин де Рон "Рома" устидан қозонилган ғалаба (2:0) ҳақида фикр билдирди.
"Бугун жуда қийин ўйин бўлди, менга омад кулиб боқди, аммо ўйлайманки, биз ўйинни назорат қилдик ва гол уриш учун кўп имкониятларга эга бўлдик.
Энди биз хотиржам бўлишимиз ва шундай маромда давом этишимиз керак. Чемпионлик имконияти? Биз ўзимизни яхши ҳис қиляпмиз.
Бугун сариқ карточка олмаганим яхши. “Парма”га қарши аҳмоқона огоҳлантиришни барча кўрди. Ҳар бир ўйинда майдонга тушишни истайман, ўзимни жуда зўр ҳис қиляпман", - дея Де Роннинг сўзларини келтиради Sky Sport Italia.
