"Ливерпуль" бош мураббийи Арне Слот натижалар қанот ҳужумчиси Муҳаммад Салоҳнинг самарали ҳаракатларига боғлиқлиги ҳақидаги саволга жавоб берди.

"Албатта, бу ташвишларни келтириб чиқаради. Салоҳ ҳам инсон, у жароҳат олиши мумкин. Бизда Салоҳга альтернатив вариант йўқ, чунки Кеза мавсумни қийин бошлади, Эллиотнинг формага кириб бораётгани яхши. Муҳаммаднинг ўйини ёмонлашади деб ўйламайман, менимча, у ажойиб формада қолади", — дейди Слот.

32 ёшли Салоҳ жорий мавсумда “Ливерпуль” сафида 20 та ўйин ўтказиб, 13 та гол урди ва 11 та голли узатмани амалга оширди. Мисрликнинг инглиз клуби билан шартномаси июн ойи охирида тугайди.