Дарвозабон Эмилиано Мартинес якшанба куни бўлиб ўтган АПЛ доирасидаги «Челси»га қарши ўйинда танаффусда алмаштирилди. «D Sports» хабарига кўра, «Астон Вилла»нинг аргентиналик футболчисига чап қўлининг кичик бармоғи синиши ташхиси қўйилган.
«TyC Sports» хабарига кўра, бу жароҳат узоқ тикланиш даврини талаб қилмайди. Шу билан бирга, «Астон Вилла» аргентиналик футболчининг тикланишига эҳтиёткорона ёндашади ва уни майдонга қайтишга мажбурламайди.
«Астон Вилла» айни дамда Англия Премьер-лигаси турнир жадвалида ўн иккинчи ўринни эгаллаб турибди. Бирмингем жамоаси навбатдаги ўйинни 4 декабрь, чоршанба куни ўз майдонида «Брентфорд»га қарши ўтказади.
