Жазоирлик "Ал-Аҳли" вингери "Манчестер Сити"дан келганидан сўнг дебют мавсумида 12 та гол урди. У жорий мавсумда бор-йўғи 3 марта гол урди ва унинг жамоаси Саудия Арабистони Про лигасида чемпионат пешқадами “Ал-Иттиҳод”дан 13 очко ортда қолиб, олтинчи ўринни эгаллаб турибди.

Кеча бўлиб ўтган Осиё Чемпионлар лигаси доирасидаги "Истиқлол"га (2:2) қарши ўйинда Маҳрез гол ура олмаганидан сўнг, ундан нега "Манчестер Сити"дагидек савияда ўйнамаётгани ҳақида сўрашди.

"Биродар, сиз “Манчестер Сити” ва бу жойни солиштира олмайсиз. Бу ерда муҳими бутун жамоа яхши ўйнаяпти.

Мен жамоавий ўйинчиман, мен Месси эмасман. Мен тўпни олиб, ҳаммани алдаб гол ура олмайман. Жамоа яхши ўйнаса, мен ҳам яхши ўйнайман. Тушундингми?" — деб жавоб берди 33 ёшли Маҳрез.