"Манчестер Юнайтед" ҳимоячиси Рио Фердинанд шартномасини узайтириш борасида клуб билан музокаралар олиб бормоқда. 34 ёшли футболчининг амалдаги шартномаси шу ёзда ниҳоясига етади. Шу ҳафта охиригача икки тараф ўртасида янги келишув имзоланиши кутилмоқда.
Эслатиб ўтамиз, мавсум давомида тарқалган айрим хабарларда клуб ортиқ ушбу футболчига эҳтиёж сезмаётгани айтилган эди. Афтидан, футболчининг Англия чемпионлиги йулидаги хизматлари клуб раҳбарларининг бу борадаги фикрларини ўзгартиришларига сабаб бўлган кўринади.













