TeamTalk хабарига кўра, "Ливерпуль" "Байер"нинг ўнг қанот ҳимоячиси Жереми Фримпонгни Трент Александр-Арнольд ўрнига асосий ўринбосар сифатида танлади.
Хабар қилинишича, мерсисайдликлар англияликнинг кетишига ҳозирлик кўрмоқда ва Нидерландия терма жамоаси футболчисини энг яхши вариант деб ҳисобламоқда. Арне Слот жамоаси "Манчестер Сити" билан рақобатлаша олади. Амалдаги чемпионлар 23 ёшли футболчини Кайл Уокернинг вориси сифатида кўрмоқда.
Жереми Фримпонг жорий мавсумда "Байер" таркибида барча мусобақаларда 20 та ўйин ўтказди. Уларда у иккита гол урди ва еттита голли узатмани амалга оширди.
