"Манчестер Сити" инқирозни бошидан кечирмоқда - сўнгги етти учрашувда жамоа бир марта дуранг ўйнади ва олтита мағлубият аламини тотиб кўрди.
Рафаэль ван дер Варт Пеп Гвардиола жамоасининг ўйинлари ҳақида фикр билдирди.
"Ўйлашимча, улар Гвардиола қўл остида кўп мавсумлар давомидаги шиддатни йўқотдилар. Менимча, улар жуда чарчаган.
Буни Кевин Де Брюйне каби футболчиларнинг юзларида кўриш мумкин. Клуб қайта қуришга муҳтож.
Мен Пепни ишдан бўшатиш керак деб ўйлайдиганлардан эмасман. Мен унинг мураббийлик усулларига ишонаман, улар трансферларни тўғри амалга оширишлари керак. Гюндоган ёзда уларга керак бўлган футболчи эмас эди”, деди ван дер Варт.
