Рубен Аморимнинг чемпионатдаги мағлубиятсиз серияси «Манчестер Юнайтед»нинг «Арсенал»га қарши ўйинида (0:2) якунига етди.
Юрриен Тимбер ва Уильям Салибанинг голлари эвазига “канонирлар” Лондонда “қизил иблислар”дан устун келди.
Opta таъкидлаганидек, бу мағлубият Аморим учун чемпионатдаги деярли бир йил ичида, 2023-йил 9-декабрдан бери биринчи ютқазиқ бўлди - ўшанда унинг "Спортинг"и "Витория Гимарайнш"га ютқазганди (2:3).
Ўшандан бери португалиялик мураббий лига ўйинларида мағлуб бўлмади - серия 34 ўйин давом этди.
Рубен Аморим ноябрь ойида “Манчестер Юнайтед” бошқарувига келган эди.
Унинг қўл остида Премьер-лиганинг дастлабки икки учрашувида "манкунианликлар" "Ипсвич" билан дуранг ўйнаган (1:1) ва "Эвертон"ни мағлуб этган (4:0).
