"Бунёдкор" 90+7 дақиқа давомида "Бурирам Юнайтед" дарвозасига йўл топа олмади ва ушбу мавсумда Чемпионлар лигасидаги  юришини нимчорак финалда якунлашга мажбур бўлди.

Ўйиннинг биринчи бўлимини Қосимов шогирдлари шиддат билан бошлашдию, аммо дастлабки дақиқалардаги босимни таиландликлар бартараф этишганидан кейин вакилларимизнинг шашти бироз пасайди. Натижада "қалдирғочлар" дастлабки 45 дақиқаликда рақиб дарвоза олдида етарли хавфли вазиятларни ярата олишмади.

Иккинчи бўлимнинг 5-дақиқасида Пишур дарвозани ишғол қилди. Аммо Тўраев бурчак тўпини тезда Жасурга етказди ва Ҳасанов дарвоза ёнига тўпни узатганида украиналик ҳужумчи ўйиндан ташқари ҳолатда қолганди. Ҳар ҳолда қанот ҳакамининг қарори шундай бўлди.

Иккинчи бўлимда майдонга тушган Зотеев ва Раҳматуллаев мезбонларнинг ўйинини кучайтиришди. Яна бир захирадан тушган Камолиддин Мурзоев 77-дақиқада Зотеев қанотидан етказиб берилган тўпни кўкраги билан қайтариб олиб, дарвозага йўллашга уринди. Тўп дарвоза устидан ўтиб кетди. Орадан 3 дақиқа ўтиб Мурзоев худди шунга ўхшша вазиятда бош билан дарвозани ишғол қила олмади.

"Бунёдкор" ҳужумга берилиб кетган вазиятда меҳмонларнинг икки нафар футболчиси ўзаро бир-бирларига ошириб боришди ва натижада улардан бири Зухуров билан яккка-якка вазиятга чиқиб борди. Яхшиямки, унинг зарбаси аниқ чиқмади.

Ҳакам иккинчи бўлимга 5 дақиқа қўшиб берди, аммо ушбу вақт ҳам дарвозга йўл топиш учун етарли бўлмади.

Икки ўйин натижасига кўра "Бурирам Юнайтед" ОЧЛнинг чорак финалига йўл олди.

ОЧЛ-2013. НИМЧОРАК ФИНАЛ. ЖАВОБ УЧРАШУВИ
"БУНЁДКОР" - "БУРИРАМ ЮНАЙТЕД" - 0:0
Огоҳлантиришлар: Артём Филипосян (45+2), Хайрулла Каримов  (85) — Тиратон Бунматан (20), Кай Хирано (47), Пратум Чутонг (81), Осмар Барба (85), Кармело Гонсалез (90+2)
"Бунёдкор": 25. Муроджон Зуҳуров, 2. Акмал Шораҳмедов, 4. Хайрулла Каримов, 7. Марко Блажич (Алибобо Раҳматуллаев 70), 8. Жавлон Иброҳимов, 9. Игорь Таран (Камолиддин Мурзоев 66), 11. Олександр Пишур, 13. Лутфулла Тўраев, 16. Артём Филипосян, 19. Жасур Ҳасанов, 23. Саҳоб Жўраев (Олег Зотеев 55)
«Бурирам Юнайтед»: 1. Сиварак Тедсунгноен, 2. Тиратон Бунматан, 3. Пратум Чутонг, 5. Осмар Барба Ибанез, 6. Танасак Срисай, 8. Сучао Нутнум, 13. Жирават Маккаром (Анавин Жужин 72), 15. Сурат Сукха, 16. Сурия Домтайсонг (Кармело Гонсалез 28), 19. Кай Хирано (Адисак Краисорн 54), 25. Сури Сукха.
Бош ҳакам: Абдуллоҳ Дур Муҳаммад Болидат
Қанот ҳакамлари: Ҳассан Рашид ас-Савадий, Жума Муҳаммад ал-Буршайд
Тўртинчи ҳакам: Муҳаммад ал-Маррий (барчаси – Қатар)
Ҳакамлар эксперти: Селеражен Субраманиам (Малайзия)
Учрашув комиссари: Бордалло Майкл Жон (Гуам).
Тошкент. "Бунёдкор". 11672 томошабин
Биринчи ўйин - 1:2