Грэм Поттер «Челси»даги муваффақиятсиз ўйинларидан сўнг бир ярим йилдан кўпроқ вақт давомида мураббийлик қилмаяпти. Яқин келажакда 49 ёшли мутахассис янги клубда иш бошлаши мумкин. «The Times» хабарига кўра, Поттерга «Вест Хэм» қизиқиш билдирмоқда. Лондон клуби қониқарсиз натижалар туфайли Хулен Лопетеги билан тез орада хайрлашиши мумкин.
Ҳозирда «Вест Хэм» Англия чемпионати турнир жадвалида ўн тўртинчи ўринда бормоқда. Жамоа навбатдаги ўйинни 9 декабрь, душанба куни «Вулверхэмптон»га қарши ўтказади.
Миш-мишлар аввалроқ «Вест Хэм»ни бошқа мураббийлар, хусусан Сержиу Консейсау ва Каспер Юльманн билан боғлаган.
