"Бавария" раҳбари Герберт Хайнер "қизиллар"нинг жорий мавсумдаги кучли жамоаларга қарши ўйинларидаги ишончсиз натижалари ҳақида гапирди.

Яқинда Венсан Компани шогирдлари Германия кубоги доирасида ўз майдонида "Байер"га ютқазиб (0:1) қўйди.

Аввалроқ мюнхенликлар Чемпионлар лигасида “Барселона” (1:4) ва “Астон Вилла”га (0:1) ютқазган, шунингдек, Бундеслигада “Боруссия Дортмунд” ва ўша “Байер” билан очко бўлишган (ҳар икки ҳолатда ҳам 1:1).

“Биз Дортмундда ажойиб ўйин ўтказдик, “ПСЖ”ни ҳам, “Штутгарт”ни 4:0 ҳисобида мағлуб этдик. Биз яна кўп ғалабалар кутамиз, жумладан, катта жамоаларга қарши учрашувларда ҳам ўзимизни кўрсатишга ҳаракат қиламиз.

Биз кучни баҳорга, мавсумнинг асосий даврига қолдиришимиз керак”, деди Хайнер.