А Сериянинг 15-туридан ўрин олган ўйинда "Аталанта" "Милан" устидан ғалаба қозонди (2:1).

Жамоалар биринчи бўлимда гол алмашишди – 12 ва 22-дақиқаларда Шарл де Кетеларе ва Альваро Мораталар гол уришди. 87-дақиқада Адемола Лукманнинг аниқ зарбаси мезбонларга 3 очко келтирди. "Аталанта" учун бу ғалаба барча турнирлардаги қаторасига тўққизинчи ғалаба бўлди - 2020 йилда ўрнатилган клуб рекордини такрорлади.

Бергамо жамоаси 34 очко билан А Серия турнир жадвалида пешқадамлик қилмоқда, бироқ турнир жадвалида 32 очко тўплаган "Наполи" бир ўйин кам ўтказди.

Мутлақ рекорд ўрнатиш учун "Аталанта" Чемпионлар лигасида ўз уйида "Реал"ни мағлуб этиши керак. Учрашув 10 декабрь куни бўлиб ўтади.