Таниқли инсайдер Фабрицио Романо Альфонсо Дэвиснинг "Бавария"даги ҳозирги ҳолати ҳақида маълумот берди.

Бундеслига гиганти чап қанот ҳимоячиси билан шартномани узайтириш устида ишламоқда. Амалдаги шартнома 2025 йилнинг ёзида тугайди. Канадалик футболчига "Реал" ва "Манчестер Юнайтед" ҳам қизиқиш билдирмоқда ва уни эркин агент сифатида ўз сафида кўришни режалаштирмоқда.

Турли миш-мишларга кўра, Дэвис "Бавария" билан келишувга яқинлашиб қолган, бошқа манбалар эса футболчининг бошқа клублар билан музокаралар олиб бориш нияти ҳақида хабар беришмоқда.

Романонинг сўзларига кўра, 24 ёшли латералнинг келажаги ноаниқлигича қолмоқда. У келаси мавсумда қаерда ўйнашни режалаштираётгани ҳақида ҳали бир қарорга келмаган. Вазиятда ҳар қандай натижа мумкин.