Жонатан Дэвид «Лилль» сафида барча мусобақалардаги 100-голини урди.
Бунинг учун форвардга 206 та учрашув керак бўлган. Жума куни 24 ёшли канадалик футболчи Лига 1 доирасида «Брест»га қарши ўйинда (3:1) дубьл ва голли узатмани амалга оширди.
Шу тариқа, Дэвид ҳозирда «Лилль» сафида 101 та голга эга.
Ҳужумчи 11 та гол билан Лига 1 мавсумининг тўпурарлар пойгасида пешқадамлик қилмоқда.
Дэвиднинг клуб билан шартномаси 2025 йилнинг июнига қадар амал қилади, футболчига «Барселона», «Бавария», «Ювентус» ва «Интер» клублари қизиқиш билдирмоқда.
