«Челси» бош мураббийи Энцо Мареска ярим ҳимоячи Энцо Фернандеснинг ўйиннинг баъзи жиҳатларидаги муваффақиятини қайд этди.
Аргентиналик футболчи ҳар доим ҳам «кўклар» сафида асосий таркибда майдонга тушавермайди, бироқ италиялик мураббийнинг фикрича, унинг ўйинида яхшиланишлар бор.
«Фернандес ўйинни тушуниш ва позиция танлаш борасида сезиларли даражада яхшиланмоқда. Ҳозир у жарима майдончаси ичида ҳам хавфли. Ҳужумкор футболчилардан шуни кутамиз. Энцо ҳали ҳам кўп жиҳатдан яхшиланиши мумкин, у тўғри йўлда», - деди Мареска.
