Франция терма жамоаси ва Мадриднинг "Реал" клуби ҳужумчиси Килиан Мбаппе "Жирона" билан Ла Лиганинг 16-тур учрашувида урган голи ҳақида гапирди. Эслатиб ўтамиз, ўйин "лос-бланкос"нинг йирик ҳисобдаги ғалабаси билан якунланганди - 3:0 ва Мбаппе жамоасининг учинчи голини киритди.
"Муваффақиятсиз ўйинлардан кейин гол уришми? Бу менинг ишимнинг бир қисми. Мен жамоага ёрдам бераман ва ҳар бир учрашувда буни амалга оширишга, характер билан ўйнашга ва ғалаба қозонишга ёрдам беришга ҳаракат қиламан", - дея Мбаппенинг сўзларини келтиради Испаниянинг AS нашри.
Эслатиб ўтамиз, аввалроқ Мбаппе охирги ўйинлардаги ўйини учун ОАВ ва мутахассислар томонидан танқид қилинган эди.
