"Ливерпуль" 32 ёшли вингер Муҳаммад Салоҳ билан келаси ёзда тугайдиган шартномани икки йилга узайтиришга жуда яқин турибди.
Бу ҳақда Mirror нашри хабар бермоқда.
Манбага кўра, мисрлик футболчининг агенти 3 йиллик меҳнат шартномасини талаб қилган, "Ливерпуль" эса дастлаб бир йиллик шартнома таклиф қилган. Бироқ музокаралар натижасида томонлар янги икки йиллик келишув шаклида муросага келишди.
Таъкидланишича, Салоҳ билан музокараларда ҳеч қачон молиявий масала бўлмаган, чунки у аллақачон "Ливерпул"нинг ҳафтасига 400 минг фунт маош оладиган энг кўп маош олувчи футболчиларидан бири ҳисобланади.
