Златан Ибрагимович Эрлинг Холандни унга қиёслашига муносабат билдирди.
"Эҳтимол, унинг менга ўхшаши соч турмагидадир. Мен футболчиларни бир-бирига солиштиришни ёқтирмайман, чунки ҳар ким ўз йўлидан боради ва ўз ҳикоясини ёзади.
Менинг ўз даврим бор эди, ўзимча ўйнадим. Энди унинг ўз даври бор, ўзига хос тарзда ўйнаяпти. Демак, "янги Златан" бўлиши мумкин эмас.
Мен ўз ишимни қилдим, лекин муддат аллақачон ўтиб кетди. Эрлинг Холанд ажойиб ўйинчи ва ажойиб ишни бажармоқда", - деди “Милан” хўжайини маслаҳатчиси.
