Мадриднинг “Реал” клубининг украиналик дарвозабони Андрей Лунин навбатдаги трансфер ойнасида клубини ўзгартирмоқчи.
Яқинда "Лос-Бланкос" билан шартномасини 2030 йилнинг ёзига қадар узайтирган 25 ёшли дарвозабонни ўйин амалиётининг камлиги қониқтирмаяпти. Андрей ўзини асосий жамоада барқарор ўринга лойиқ деб ҳисобламоқда. "Қироллик клуби" украиналик футболчини сотишга тайёр, аммо 50 миллион евролик нарх барча потенциал даъвогарларни қўрқитиши мумкин.
Жорий мавсумда Андрей пойтахтликлар сафида Ла Лига ва Чемпионлар лигасида 5 та ўйин ўтказди. У охирги марта бир ой олдин майдонга тушган, ўшанда Анчелотти шогирдлари Ла Лигада ўз уйида "Осасуна"ни мағлуб этишган (4:0).
