Мадриднинг "Реал" клуби футболчиси Килиан Мбаппе жаҳон чемпионати финалидаги мағлубиятни эслади.
2022 йил декабрь ойида французлар Қатардаги жаҳон чемпионатининг ҳал қилувчи баҳсида аргентиналикларга имкониятни бой беришди. Мбаппе хет-трик қайд этди, аммо бу етарли эмасди - рақиблар пенальтилар сериясида аниқроқ бўлишди.
"Мессини жаҳон чемпионати финалидан кейин "ПСЖ"даги биринчи машғулотида кўрганимда ҳамон ундан ғазаблангандим. У менга: "Сиз аллақачон ғалаба қозондингиз, энди менинг навбатим", деди. Мен ақл бовар қилмайдиган даражада ғазабландим, лекин ҳурмат кўрсатдим, чунки бу Месси. Ўйлайманки, бу якун бизни янада яқинлаштирди. Мен Леодан кўп нарсани ўргандим", - деди Мбаппе Canal+ нашрига берган интервьюсида.
